Олунньу ый 16 күнүгэр Саха Өрөспүүбүлүкэтин ГТАС Управление  гражданскай аахталары толорууну тэрийиигэ салаатын салайааччыта Оделия Николаевна Скрябина уонна Дьокуускай куорат ГТАС отделын сүрүннүүр специалиһа Екатерина Владимировна Соловьева Россия 1 канаалыгар «Сахам сирин сарсыардата» диэн биэриигэ кыттыыны ыллылар.

Биэрии сүнньүнэн Өрөспүүбүлүкэ үрдүнэн уопсайынан көрдөрүү хайдаҕын, өр бииргэ олоруу, «Саха Өрөспүүбүлүкэтин кыһыл көмүс дьиэ-кэргэттэрэ» кинигэ тула, саҥа төрөөбүт оҕолорго сахалыы ааты иҥэриини, аныгы үйэ ирдэбилинэн сыыппара үйэтигэр туох үлэ барарын кэпсээтилэр.

Кэнники үс сылга холбоһуу көрдөрүүтэ 20-25%  улаатан иһэрин, 80% 18-тан 35-гэр дылы саастаах дьоннор холбоһоллорун бэлиэтээтилэр. Оҕо төрөөбүтүн туһунан суруйтарарга 2022 сылтан  «Оҕо төрөөһүнэ» диэн суперсервис олоххо киирбитин, Россияҕа бу өҥөнөн маҥнайгынан биһиги Өрөспүүбүлүкэбит Дьокуускай куоратын ГТАС салаатыгар  2022 сыл ыам ыйыгар оҕо төрөөбүтүн туһунан суруйуу оҥоһуллубутун,  Уһук Илиҥҥи федеральнай уокурукка сыл түмүгунэн инники күөҥҥэ сылдьарбытын, биир кэлим государственнай уонна муниципальнай өҥөну оҥоруу порталын нөҥүө сайабылыанньалары биэрии туһунан уо.д.а. сэһэргээтилэр.

Түмүккэ Өрөспүүбүлүкэ олохтоохторун биир кэлим государственнай уонна муниципальнай өҥөлөру оҥоруу порталынан туһаналларыгар ыҥырдылар.