Дьиэ кэргэн, таптал  уонна бэриниилээх буолуу күнүгэр Чурапчы улууһугар икки ытык дьиэ кэргэн 50 сыл бииргэ  олорбуттарын чиэстээһин тэрээһинэ ааста.

Николай Романович уонна Галина Николаевна Дьячковскайдар, Иннокентий Сидорович уонна Екатерина Михайловна Ядрихинскайдар алгыстаах айаҥҥа туруммут, айхаллаах аартыгы тутуспут, оҕо-уруу тардыспыт 50 сыллаах «кыһыл көмүс» сыбаайбалара үөрүүлээх быһыыга-майгыга ааста.

Юбилярдар Ытык бочуот кинигэтигэр киирдилэр, илии баттаатылар. Саха Өрөспүүбүлүкэтин   бырабыытылыстыбатын иһинэн гражданскай турук аактатын суруйуу Управлениетын Чурапчы улууһунааҕы салаатын салаайыччыта Шапошникова Т.Р. Ил Дархан эҕэрдэтин уонна дьиэ кэргэн анал аат бэлиэтин туттарда.

Юбилярдар тапталы харыстыырга, бэйэ бэйэни өйөнсөн, өйдөһөн, ыарахаттары тулуйарга, үөрүүлэри тэҥҥэ үллэстэн олоруҥ диэн эдэр ыалларга кэс тылларын тиэртилэр.

ГТАС Управлениятын Чурапчы улууһун

(оройуонун) салаатын салайааччыта Т.Р. Шапошникова