Аҕам саастаах дьон норуоттар икки ардыларынааҕы күнэ 1991 с. алтынньы 1 күнүттэн бэлиэтэнэр. 

Аҕам саастаах дьон кыһалҕаларыгар, кинилэр олохторун хаачыстыбатын тупсарыыга уопсастыбаннас болҕомтотун тардыы буолар. 

Бу ураты суолталаах күн Горнай улууһун «Ытык сүбэ» түмсүүтэ эдэр ыалга, ыччаттарга бэйэлэрин алгыстарын эттэ. Алгыстаах акция чэрчитинэн «Үлэ күүһэ» хаһыат уонна ГТАС салаата аҕам саастаах дьоҥҥо алгыстаах хартыыналары бэлэх ууннулар.

Күндү аҕа саастаах дьоммут! Эһиэхэ уһун үйэни, чэгиэн доруобуйаны, дьолу-соргуну баҕарабыт. Төрөөбүт дойдугут сайдыытыгар сүҥкэн кылааккыт, албан ааттаах үлэҕит, дойду туһугар бэриниигит иһин махтал тылларын этэбит.

ГТАС Горнайдааҕы салаатын салайааччыта, Аэлита Андреева.