Саха Өрөспүүбүлүкэтигэр Ийэ күнүн, улуус балыыһатын иһинэн ыытылла турар «Доруобай Ийэ – доруобай Оҕо» декада чэрчитинэн саҥа төрөөбүт оҕону үөрүүлээх быһыыга-майгыга дьиэтигэр таһаарыы тэрилиннэ. Ол курдук, алтынньы 25 күнүгэр, биир кырачаан уолу эҕэрдэлээһин буолан ааста.
Сунтаартан Денис Дмитрьевич, Виктория Геннадиевна Поповтар дьиэ кэргэн иккис оҕонон күн сирин көрбүт уолларыгар Давидка үөрүүлээх түгэҥҥэ маҥнайгы докумуонун, төрөөбүтүн туһунан туоһу суругу, туттардыбыт.
Улууспут саҥа олохтооҕор аат иҥэрии сиэрин-туомун, маҥнайгы докумуонун туттарыы кэнниттэн улуус дьаһалтатын социальнай отдел специалиһа Григорьева К.И.,
олохтоох дьаһалтатын специалиһа Степанова Т.Г., улуус балыыһатын аатыттан кылаабынай быраас солбуйааччыта Тимофеева Нь.В. уонна аймахтар элбэх истиҥ эҕэрдэ тиэртилэр, кырачааҥҥа бэлэх туттардылар. Бу тэрээһини сыл аайы улуустааҕы төрүүр отделение  уонна улуус балыыһатын профкомун улэһиттэрэ олус үчүгэйдик ыыталлар, бу тэрээһин үтүө үгэс
буоларыгар кинилэр өҥөлөрө улахан.
Сунтаар улууһун ГТАС салаатын специалиһа Андреева Надежда