2024 сыл Российскай Федерацияҕа Дьиэ кэргэн, Саха республикатыгар Оҕо саас, Сунтаар улууһугар Аҕам саастаахтарга ытыктабыл сылын, Арыылаахпыт нэһилиэгэр Аҕа сылларын аһар үөрүүлээх тэрээһин буолан ааста. Тэрээһини нэһилиэкпит  баһылыга Иван Николаевич Игнатьев эҕэрдэ тылынан арыйда. Ытык Аҕа бэлиэ Ефремов Виктор Иннокентиевичка, нэһилиэк Аҕам саастаах ытык киһибит Данилова Евдокия Ивановнаҕа туттардылар. Бу сылга биһиги нэһилиэккэ тохсунньу 19 күнүгэр уол уонна кыыс оҕо Күн сирин көрдүлэр, Иванов Гаврил, Маргарита уонна Федорова Жанна, Даниил дьиэ кэргэттэрин эҕэрдэлээтилэр. Мария Александровна уонна Иван Иванович сокуонунан ыал буоллулар. Сылбытын бу курдук элбэх үөрүүлээх түгэннээх арыйдыбыт!