Бүгүн Нам улууһугар дьоллоох, дьоро күн буолла. Ол курдук, аан дойдутааҕы дьиэ кэргэн күнүгэр түбэһиннэрэн изумруднай сыбаайбалаах Анна Яковлевна, Григорий Константинович Эверстовтар, кыһыл көмүс сыбаайбалаах Клавдия Николаевна, Василий Николаевич Охлопковтар, Валентина Прокопьевна, Павел Егорович Ивановтар, Людмила Дмитриевна, Николай Егорович Соловьевтар, Татьяна Дмитриевна, Савва Васильевич Колесовтар, Матрена Васильевна, Анатолий Николаевич Поповтар дьиэ кэргэн үбүлүөйдээх сылларын бэлиэтээһин буолла.

Бу күн Ил Дархан махтал суругун, "Дьиэ кэргэн килбиэнэ" бэлиэни Нам улууһун ГТАС отделын салайааччыта Саргылана Азарова үбүлүөйдээх дьиэ – кэргэттэргэ туттарда. Улуус баһылыгын солбуйааччыта Юрий Вячеславович, нэһилиэк баһылыктара эҕэрдэ сурук, сибэкки дьөрбөтө уонна 50 тыһыынча сууммалаах сертификаты бэлэх ууммуттара ыалларбытыгар истиҥ үөрүү буолла. Манна даҕатан эттэххэ, маннык сууммалаах харчынан бэлэ5и өрөспүүбүлүкэбит үрдүнэн Нам улууһугар эрэ туттараллар. Ытыктыыр дьоммутугар бииргэ үлэлээбит коллегалара, инники кэскиллэрэ-оҕолоро, сиэннэрэ махтал, эҕэрдэ тылларын анаатылар. Бу күн таптаһар сүрэхтэр, юбилейдаах паралар нарын ырыага уйдаран, вальс үҥкүүлээн мустубут дьон сүрэхтэрин долгуттулар.

С.А. Азарова