Форумҥа 7 улуустан 200-чэкэ киһи кытта кэллэ. Ол курдук, улуустар баһылыктара, баһылык солбуйааччылара, дьокутааттар Сэбиэттэрин бэрэссэдээтэллэрэ, үөрэх салалтатын начаалынньыктара, дириэктэрдэр о.д.а.

СӨ Наука академиятын төрүт тылы үөрэтэр, харыстыыр уонна  сайыннарар киин салайааччыта Феодосия Габышева, СӨ Үөрэх уонна наука министиэристибэтиттэн Александр Брызгалов форум аһыллыбытынан эҕэрдэлээтилэр, ситиһиилээх үлэни баҕардылар.

Форум 6 былаһаакканан ыытыллыаҕа. Бу түмүгүнэн концепция ылынан, илин эҥэргэ үөрэх биир ситимэ тэриллиэҕэ.

Сыалын-соругун билиһиннэрдэххэ, илин эҥэргэ үөрэх хаачыстыбатын үрдэтии, аныгы усулуобуйаҕа оҕону сөпкө иитии, төрүт тылбытын харыстааһын, каадырынан хааччыллыыны уонна демография политикатын көрүү, чөл туругу олохтооһун уонна агроүөрэхтээһини сайыннарыы буолар.
 
Демография площадкатыгар Чурапчы улууһун ЗАГС отделын салайааччытын эбээһинэһи толорооччу акта туолуутугар иһитиннэрии оңордо.