Ахсынньы ый 7 күнүгэр Бүлүү улууһун Тааһаҕар нэһилиэгин “Эйгэ” култуура киинигэр Дмитрий Андреевич уонна Наталия Дмитрьевна Григорьевтар Кыһыл көмүс сыбаайбаларын дьоро тэрээһинэ буолан ааста. Манна ыраахтан-чугастан ыҥырыллан кэлбит уруулар-аймахтар, киэҥ сиринэн олорор оҕолор, сиэннэр, юбилярдар аймах-билэ дьонноро, табаарыстара муһуннулар. “Эйгэ” киин урдук сыанатыгар юбилярдар ыҥырыллан Бүлүү улууһун “Кыһыл көмүс сыбаайба” бочуот кинигэтигэр киириилэрин чиэстээһинэ ыытылынна. 50 сыл анараа өттүгэр эдэрдэр сүрэхтэрин холбоон сельсовет дьиэтигэр аактаҕа илии баттаан кэргэннии буолбуттарын туоһулуур кыһыл көмүс билиһилэхтэри кэппит буоллахтарына, бу күн кинилэр бар дьоннорун ортотугар тапталларын өссө биирдэ бигэргэтэн кыһыл көмүс көлөөскөлөрү кэтэн, сэмэйдик уураһан бу киэһэни киэргэттилэр. Юбилярдарга Саха Өрөспүүбүлүкэтин Ил Дархана А.С.Николаев анал “Дьиэ кэргэн килбиэнэ” бэлиэтин үөрүүлээх уонна долгутуулаах туттарыы буолла. Тааһаҕар нэһилиэгин биир бастыҥ дьиэ кэргэнигэр сүүс сүүстэриттэн өйөнсөн өр сылларга дьоллоохтук олороллоругар, кытаанах доруобуйаланалларыгар итии-истиҥ эҕэрдэлэр, баҕа санаалар этилиннилэр.

Иванова М.П. – Бүлүүтээҕи ЗАГС салайааччыта