Кулун тутар 26 күнүгэр Чурапчы улууһун киинигэр үтүө күн бэлиэтэннэ
14:39
27 марта 2025
Кулун тутар 26 күнүгэр Чурапчы улууһун киинигэр үтүө күн бэлиэтэннэ. Ол курдук улууспут ытыктанар ыала Григорий Прокопьевич, Светлана Даниловна Васильевтар аал уоту оттунан, алаһа дьиэни тэринэн, ыал буолан бииргэ олорбуттарын Кыһыл көмүс сыбаайбалара буолан ааста. Дьоро түгэни көрсө үбүлээрдэр оҕолоро, ыччаттара Арассыыйа араас муннуктарыттан мустан эҕэрдэлээтилэр.
Григорий Прокопьевич, Арассыыйа бочуоттаах сибээс маастара, Светлана Даниловна, Саха Өрөспүүбүлүкэтин сибээһин үтүөлээх үлэһитэ, бу күн Чурапчы улууһун “Ытык олох бочуот кинигэтигэр” киирдилэр, 50 сыл устата бииргэ буолбут тапталларын бэлиэтин кыһыл көмүс көлөөскүлэри кэттилэр.
Чурапчы улууһун дьаһалтата “Ыал Саргыта” пилотнай бырагыраамма чэрчитинэн бииргэ олорбуттара 50 сыл буолбут ытык ыалга 50тыс. сууммалаах сертификатынан наҕараадалаата.
Холобур оҥостор үтүө-мааны дьоммут, Аал Луук мас кэриэтэ дьиэ кэргэҥҥит силиһэ-мутуга чиҥээн, чэчирээн, элбээн истин, чугас дьоҥҥут, оҕолоргут сылаас тапталларыгар угуттанан чэгиэн-чэбдик сылдьын диэн алгыспытын аныыбыт.
Чурапчы улууһун ГТАС отделын салайааччыта Афанасьева А.И.
